Այսօր Դոհայում մեկնարկում է Արաբական պետությունների լիգայի գագաթաժողովը
Ռուսական РИА Новости լրատվական գործակալության փոխանցմամբ՝ այսօր Կատարի մայրաքաղաք Դոհայում մեկնարկում է Արաբական պետությունների լիգայի (ԱՊԼ) 24-րդ գագաթաժողովը, ինչը տեղի է ունենում Սիրիայում բախումների շարունակման ֆոնին:
Բացի Սիրիայից, ԱՊԼ-ի գագաթաժողովի գլխավոր թեմաների թվում են լինելու նաև պաղեստինա-իսրայելական հակամարտության կարգավորումը և ԱՊԼ-ում կառուցվածքային բարեփոխումների անցկացումը:
Այս գագաթաժողովի նախօրեին սիրիական ընդդիմությունը պաշտոնապես ստացավ ԱՊԼ-ում Սիրիայի տեղը զբաղեցնելու հրավեր: Այդ տեղը թափուր էր մնացել 2011 թվականի նոյեմբերից, երբ որոշվել էր սառեցնել պաշտոնական Դամասկոսի մասնակցությունը ԱՊԼ-ի նիստերում՝ Սիրիայում բախումների շարունակման պատճառով:
