Նախկին վարչապետը՝ միջազգային ընկերության տնօրենների խորհրդի անդամ
ՀՀ նախկին վարչապետ Արմեն Սարգսյանը նշանակվել է ոսկու հանքավայրերի հետախուզման և արդյունահանման մեջ մասնագիտացած Lydian International Ltd ընկերության տնօրենների խորհրդի անդամ։ Այս մասին նշվում է ընկերության պաշտոնական կայքում։
Ընկերությունը ներկայումս կենտրոնացած է Արևելյան Եվրոպայի վրա և զարգացնում է, մասնավորապես, Հայաստանում մեկնարկած Ամուլսար նախագիծը։ Ընկերության խոշոր բաժնետերերի թվում են Միջազգային ֆինանսական կորպորացիան և Վերակառուցման և զարգացման եվրոպական բանկը։
Մամուլի հաղորդագրության մեջ նշվում է, թե գործադիր և պատվավոր ինչ պաշտոններ է զբաղեցրել Արմեն Սարգսյանը, ինչ կոչումներ և ձեռքբերումներ նա ունի։ Ընկերության նախագահ Գորդոն Ուայլին ասել է, որ ուրախ է Արմեն Սարգսյանին տեսնել իր ընկերության կազմում և նշել, որ նրա փորձն ու գիտելիքները օգտակար կլինեն՝ Ամուլսար նախագիծը համաշխարհային կարգի արտադրություն դարձնելու համար։
