Ջոն Քերին նախապես չհայտարարված այցով ժամանել է Քաբուլ
France-Presse լրատվական գործակալության փոխանցմամբ՝ ԱՄՆ պետքարտուղար Ջոն Քերին նախապես չհայտարարված այցով այսօր այցելել է Աֆղանստանի մայրաքաղաք Քաբուլ:
Քերին երեկ նմանատիպ չհայտարարված այցով մեկնել էր Իրաքի մայրաքաղաք Բաղդադ, որտեղից էլ այսօր ուղևորվել է Քաբուլ: Ակնկալվում է, որ Քաբուլում ԱՄՆ պետքարտուղարը բանակցություններ կվարի Աֆղանստանի նախագահ Համիդ Կարզայի հետ:
Հանդիպման ժամանակ կողմերը քննարկելու են անվտանգության ոլորտում երկու երկրների համագործակցությանն առնչվող հարցեր, քանի որ մինչև 2014 թվականի ավարտը Աֆղանստանը լքելու է այնտեղ գտնվող օտար զինվորական կոնտինգենտի մեծ մասը:
ԱՄՆ պետքարտուղարի պաշտոնում Ջոն Քերին իր արտասահմանյան առաջին շրջագայության շրջանակներում այցելել է նաև տարածաշրջանի այլ երկրներ, այդ թվում նաև Սաուդյան Արաբիա, Կատար ու ԱՄԷ:
