Նիդերլանդներում շիշ են նետել Էրդողանի ավտոշարասյան վրա
Թուրքական Dünya Bülteni լրատվական կենտրոնի փոխանցմամբ՝ Թուրքիայի վարչապետ Ռեջեփ Էրդողանի ավտոշարասյունը Նիդերլանդներում ենթարկվել է հարձակման: Միջադեպը գրանցվել է այն պահին, երբ Էրդողանը մտնելիս է եղել Նիդերլանդների Սենատի շենք:
Այդ ժամանակ մի մարդ շիշ է նետել Էրդողանի ավտոշարասյան վրա: Սակայն հոլանդական ոստիկանությունն անմիջապես ձերբակալել է նրան: Նիդերլանդների վարչապետը հեռախոսազրույց է ունեցել Էրդողանի հետ՝ կապված այդ միջադեպի հետ:
