Աշխարհի 6 ամենաթանկ խաղալիքները
luxlux.net կայքը կազմել է աշխարհի 6 ամենաթանկ խաղալիքների ցանկը: Առաջին հորիզոնականը զբաղեցրել է ոսկե ծծակը: Այն պատրաստված է 14 կարատանոց ոսկուց և զարդարված է 280 ադամանդով: Այս ծծակը ձեռք բերելու համար անհրաժեշտ է վճարել 17.000 դոլար:
2-րդ հորիզոնականը զբաղեցրել է բոլորին հայտնի Hello Kitty խաղալիքը: Ճապոնական Sanrio ապրանքանիշը արտադրել է մինչ այժմ ամենթանկ Hello Kitty խաղալիքը. այն արժե 67.000 դոլար: Կատու խաղալիքն ընդամենը 10 սմ բարձրություն ունի. այն պատրաստված է թանկարժեք մի շարք քարերով:
Երրորդ հորիզոնականում աշխարհի ամենաթանկ խաղալիք ավտոմեքենան է: Խաղալիքը պատրաստել են Jason of Beverly Hills ապրանքանիշի դիզայներները: Ավտոմեքենան պատրաստված է 18 կարատանոց ոսկուց. այն արժե 140.000 դոլար:
Արդեն որերորդ տարին է՝ բարբի տիկնիկները աշխարհում մեծ հեղինակություն են վայելում: Աշխարհում ամենաթանկ Բարբի տիկնիկը արժե 302.500 դոլար:
The bird Trainer անունով խաղալիքը. այն 6,25 հազար դոլար արժե: Ամենաթանկ խաղալիքների շարքում տեղ է գտել նաև SONY Playstation 3-ի համար նախատեսված joystick-ը: Այն ամբողջությամբ պատրաստված է սպիտակ ոսկուց ու զարդարված է սև ադամանդներով:
