Հայ օլիգարխները նախագահին խնդրել են «Կարֆուրի» մուտքը մեկ տարով հետաձգե՞լ. մամուլ
«Ժամանակ» օրաթերթը գրում է. «Էկոնոմիկայի նախարար Տիգրան Դավթյանը երեկ «Ժամանակին» հայտնեց, որ ֆրանսիական հայտնի «Կարֆուր» հիպերմարկետների ցանցի ներկայացուցիչները իրենց հետ հանդիպելուց հետո գնացել են Հայաստանից: «Առաջիկայում կվերադառնան և կշարունակեն իրենց աշխատանքը»,- հավաստեց նախարարը:
Նա մեզ փոխանցեց, որ ինքը «Կարֆուրի» ներկայացուցիչների հետ քննարկել է գործունեության ձևաչափին, տարածքին և այլ տեխնիկական խնդիրներին առնչվող հարցեր:
Արդյոք ճի՞շտ են տեղեկություննեը, որ հայ օլիգարխները նախագահին խնդրել են «Կարֆուրի» մուտքը մեկ տարով հետաձգել` մինչև իրենք նախորդ խորհրդարանական և այս նախագահական ընտրություններին ծախսած գումարները ետ բերեն` հարցին Տիգրան Դավթյանը պատասխանեց. «Նման բան չկա»»:
