Վատիկանում մեկնարկել է Հռոմի նորընտիր պապ Ֆրանցիսկոս I-ի ձեռնադրման արարողությունը
BBC-ի փոխանցմամբ՝ Վատիկանում մեկնարկել է Հռոմի նորընտիր պապ Ֆրանցիսկոս I-ի ձեռնադրման արարողությունը: Այդ կապակցությամբ մոտ մեկ միլիոն հավատացյալ է համայն աշխարհից հավաքվել Վատիկանում:
Պապը մեքենայով հասել է Սուրբ Պետրոսի հրապարակ, որպեսզի պատարագից առաջ ողջունի հավատացյալներին: Պատարագը մեկնարկել է տեղական ժամանակով ժամը 09.30-ին: Պատարագի մասնակիցների թվում են նաև ԱՄՆ փոխնախագահ Ջո Բայդենը և ուղղափառ եկեղեցու հոգևոր ղեկավար պատրիարք Բարդուղեմիոսը:
Վերջինս դրանով իսկ դարձավ առաջին ուղղափառ պատրիարքը, որը մասնակցում է Հռոմի պապի գահակալման արարողությանն այն բանից հետո, ինչ քրիստոնեության երկու ճյուղերը վերջնականապես բաժանվեցին ավելի քան 1000 տարի առաջ:
Ֆրանցիսկոս I-ը Հռոմի պապ է ընտրվել մարտի 13-ին:
