Ստամբուլում հանդիպել են Իրանի ու «Վեցյակի» փորձագետները
Իրանական ISNA լրատվական գործակալության փոխանցմամբ՝ երեկ Ստամբուլում բանակցություններ են անցկացվել Իրանի ու «Վեցյակի» ներկայացուցիչների միջև: Այդ հանդիպումը կայացել է փորձագետների մակարդակով և դռնփակ պայմաններում:
Իրանի ու «Վեցյակի» միջև բանակցությունների վերջին փուլն անցկացվել էր այս տարվա փետրվարի 26-27-ին, Ղազախստանի Ալմա Աթա քաղաքում: Հենց այդ ժամանակ էլ պայմանավորվածություն էր ձեռք բերվել փորձագետների մակարդակով հանդիպում անցկացնել Ստամբուլում:
Կողմերը հույս և լավատեսություն են հայտնել ապագա բանակցությունների կապակցությամբ:
