Փոքր ժամանակ հայրս միշտ դժգոհ էր իմ խաղից. Մեսսի
«Բարսելոնայի» և Արգենտինայի հավաքականի հարձակվող Լիոնել Մեսսին TyC Sport-ին տված հարցազրույցի ժամանակ խոստովանել է, որ հավաքականում այդքան էլ լավ չի ելույթ ունենում։
«Գիտեմ, որ հավաքականի կազմում այդքան էլ հաջող ելույթ չեմ ունեցել, սակայն նույն բանը կարող եմ ասել նաև ողջ թիմի մասին։ Երկրպագուները և լրագրողները ցանկանում են, որ ես միայնակ հաղթեմ բոլոր հանդիպումներում, սակայն այդպես չի լինում։ Ամեն դեպքում ես սովոր եմ մեծ պահանջների։ Փոքր ժամանակ հայրս միշտ դժգոհ էր իմ խաղից, նույնիսկ երբ 4 գնդակ էի խփում։ Նա միշտ գտնում էր՝ ինչում կարելի է ինձ քննադատել և հազվադեպ էր ասում, որ ես լավ եմ խաղացել»,- ասել է Մեսսին։
Մարզական լրահոսն ապահովում է SportArmenia.com-ը
