Իրանն ու Օմանը համատեղ զորավարժություններ են անցկացնելու Պարսից ծոցում
CHN Press լրատվական գործակալության փոխանցմամբ՝ Իրանն Օմանի հետ համատեղ զորավարժություններ է անցկացնելու Պարսից ծոցում: Դրանք տեղի են ունենալու իրանական հաջորդ տարում (սկսվում է մարտի 21-ից):
Իրանի ռազմածովային ուժերի հրամանատար, դերծովակալ Հաբիբոլլահ Սայարին հայտարարել է, որ համատեղ զորավարժությունները միտված են լինելու որոնողական-փրկարարական օպերացիաների անցկացմանը: Նա հավելել է, որ հաջորդ տարի Իրանի ռազմածովային ուժերն առաջին անգամ Խաղաղ օվկիանոսում հատելու են հասարակածը:
