ԵԱՀԿ Մինսկի խմբի համանախագահները տարածաշրջան կայցելեն ապրիլի սկզբին
Ադրբեջանական APA լրատվական գործակալության փոխանցմամբ՝ հայտնի է դարձել ԵԱՀԿ Մինսկի խմբի համանախագահների՝ առաջիկա տարածաշրջանային այցի մոտավոր ժամկետը:
Ադրբեջանի արտգործնախարար Էլմար Մամեդյարովը հայտարարել է, որ համանախագահները տարածաշրջան կժամանեն ապրիլի առաջին շաբաթվա ընթացքում: Նա հավելել է, որ դեռ օրակարգում չի գտնվում Հայաստանի ու Ադրբեջանի նախագահների հետ համանախագահների հանդիպման հարցը.
«Փարիզում երկու երկրների արտգործնախարարների հանդիպումը չկայացավ Հայաստանի նախագահական ընտրությունների պատճառով: Դրա համար էլ համանախագահներն առանձին հանդիպումներ ունեցան արտգործնախարարների հետ»:
