Թուրքական ռազմական պատվիրակությունը ժամանել է Ադրբեջան
Ադրբեջանական Trend լրատվական գործակալության փոխանցմամբ՝ Թուրքիայի ռազմաօդային, ռազմածովային ու ցամաքային ուժերի պատվիրակությունը գտնվում է Ադրբեջանում: Այն բաղկացած է 21 բարձրաստիճան ներկայացուցչից:
Այս մասին հայտնել է Ադրբեջանի ուժային կառույցներում եղած աղբյուրը: Վերջինիս հաղորդմամբ՝ մասնավորապես պատվիրակության կազմում է գտնվում թուրքական բանակի 7 գեներալ:
Այցի ընթացքում թուրքական պատվիրակությունը մի շարք հանդիպումներ է անցկացնելու Ադրբեջանի զինված ուժերի տարբեր կառույցներում և քննարկելու է երկու երկրների միջև ռազմական ու պաշտպանական ոլորտներում համագործակցության հարցը: Թուրքական պատվիրակության ադրբեջանական այցը տևելու է մինչև մարտի 15-ը:
