Բիձինա Իվանիշվիլին 12 տոկոսով կրճատել է նախարարների աշխատավարձը
Новости-Грузия լրատվական գործակալության փոխանցմամբ՝ Վրաստանում նախարարների կաբինետի անդամների աշխատավարձը կրճատվել է 12 տոկոսով և կազմել է 6300 լարի (մոտ 3800 դոլար): Այս մասին այսօր հայտնել է վաչապետի մամուլի ծառայությունը:
Վարչապետ Բիձինա Իվանիշվիլիի որոշմամբ՝ նախարարներին խրախուսադրամներ շնորհվելու են տարեկան մեկ անգամ: Նշվում է, որ կառավարությունը հրաժարվում է նախկին իշխանությունների պրակտիկայից, երբ նախարարներն ամեն ամիս կամ ամսական մի քանի անգամ իրենց պարգևավճարներ էին շնորհում: Այժմ նրանք ամսական ստանալու են 6300 լարի:
