Օբաման մեկ տարով երկարաձգել է Իրանի դեմ սահմանված պատժամիջոցները
Ռուսական РИА Новости լրատվական գործակալության փոխանցմամբ՝ ԱՄՆ նախագահ Բարաք Օբաման ստորագրել է Իրանի նկատմամբ 1995 թվականին ԱՄՆ-ի սահմանած պատժամիջոցները ևս մեկ տարով երկարաձգելու մասին հրամանը: Այս մասին երեկ հայտնել է Սպիտակ տան մամուլի ծառայությունը:
Նախագահի ստորագրած հրամանի տեքստում նշված է, որ պատժամիջոցները երկարաձգվում են նրա համար, որ Իրանի կառավարության գործողություններն ու քաղաքականությունը հակասում են տարածաշրջանում ԱՄՆ շահերին և շարունակում են ստեղծել անսովոր ու բացառիկ սպառնալիք ԱՄՆ ազգային անվտանգության, արտաքին քաղաքականության ու տնտեսության համար:
ԱՄՆ-ը և Արևմուտքի մի շարք այլ երկրներ Իրանին մեղադրում են խաղաղ ատոմի ծրագրի պատրվակով մշակում է միջուկային զենք:
