Իսրայելը կարող է հարվածել Սիրիայի զինյալներին
Ռուսական ИТАР-ТАСС լրատվական գործակալությունը, վկայակոչելով իսրայելական ռադիոն, հայտնում է, որ Գոլանի բարձրունքներում տեղակայված իսրայելական զորամասերը բերվել են մարտական լիակատար պատրաստվածության՝ կապված Սիրիայի զինյալների ակտիվության հետ:
Սիրիացի զինյալները մի քանի օր առաջ մուտք էին գործել Գոլանի բարձրունքների ապառազմականացված գոտի: Իսրայելի ու Սիրիայի միջև տվյալ գոտու կարգավիճակը պահպանվել է 1973 թվականին արաբա-իսրայելական պատերազմի ավարտից ի վեր: Այժմ այդ ժամանակաշրջանն ավարտվում է փաստացիորեն:
Համացանցում են հայտնվել մի շարք տեսանյութեր, որոնցում երևում է, որ Սիրիայի զինյալները մուտք են գործել ապառազմականացված գոտի: Իսրայելն էլ ավարտին է հասցնում սահմանին արգելափակիչ կառույցների շինարարությունը: Իսկ սահմանը հսկող իսրայելական «Գոլանի» էլիտար բրիգադն ուժեղացվել է հատուկ նշանակության ստորաբաժանումներով ու հրետանիով:
