Վրաստան է ժամանել 400 ամերիկացի զինծառայող
Ռուսական Интерфакс լրատվական գործակալության փոխանցմամբ՝ Վրաստան է ժամանել ամերիկացի 400 ծովային հետևակային: Նրանք մասնակցելու են «Մարտական ոգի 2013» վրաց-ամերիկյան համատեղ զորավարժություններին:
Այդ զորավարժություններն այսօր մեկնարկելու են Թբիլիսիի մոտ ընկած «Վազիանի» ռազմաբազայում և տևելու են մինչև ապրիլի 5-ը: Դա նմանատիպ երրորդ վրաց-ամերիկյան զորավարժությունն է:
Նախորդ տարվա աշնանը Վրաստանում տեղի ունեցած իշխանափոխությունից հետո սա առաջին դեպքն է, երբ Վրաստան են ժամանում այդպիսի քանակությամբ ամերիկացի զինծառայողներ:
