Մորնինգսթարը հերքել է այն, որ Աֆղանստանը լքող ամերիկյան զորքերը մնալու են Ադրբեջանում
«Ամերիկայի ձայն» ռադիոկայանին տված հարցազրույցի ժամանակ Ադրբեջանում ԱՄՆ դեսպան Ռիչարդ Մորնինգսթարը հերքել է այն տեղեկատվությունը, թե Աֆղանստանից դուրս բերվող ամերիկյան զորքերը մնալու են Ադրբեջանում.
«Հաղորդվում է, թե Աֆղանստանից դուրս բերվող ռազմական ուժերը մնալու են Ադրբեջանում, ինչը բացարձակապես չի համապատասխանում իրականությանը: Ադրբեջանում չի լինելու ԱՄՆ որևէ ռազմական ներկայություն: Այդպիսի պլան չկա: Ադրբեջանը կարևոր դեր է խաղում Աֆղանստանից ռազմական բեռների դուրս բերման հարցում:
ԱՄՆ-ը գոհ է Իրանի դեմ սահմանված պատժամիջոցներին Ադրբեջանի ցուցաբերած աջակցությունից: Միևնույն ժամանակ մենք հասկանում և ընդունում ենք Ադրբեջանի ու Իրանի միջև պատմական ու մշակութային վաղեմի կապերի առկայությունը»:
