Իսրայելական շտաբը համաքաղաքացիներին կոչ է արել չայցելել Ադրբեջան
Ադրբեջանական Turan լրատվական գործակալության փոխանցմամբ՝ Իսրայելի ազգային անվտանգության խորհրդի մեջ մտնող Ահաբեկչության դեմ պայքարի շտաբը հաղորդագրություն է տարածել, որում իսրայելցիներին խորհուրդ չի տվել այցելել աշխարհի 12 երկիր:
Հետխորհրդային հանրապետություններից այդ ցուցակում ընդգրկվել է միայն Ադրբեջանը: Այստեղ սպառնալիքի մակարդակը որակված է որպես «պոտենցիալ», և իսրայելցիներին խորհուրդ է տրվում առանց հատուկ անհրաժեշտության չայցելել Ադրբեջան:
Ամենայն հավանականությամբ, խոսքը գնում է «Հզբոլլահի» կողմից իսրայելցիներին առևանգելու հնարավոր փորձերի մասին:
