ԱՄՆ ներկայացուցիչն ԱԷՄԳ-ի նիստի դահլիճը լքել է Իրանի ներկայացուցչի հայտարարությունից հետո
Բրիտանական Reuters լրատվական գործակալության փոխանցմամբ՝ ԱԷՄԳ-ում ԱՄՆ ներկայացուցիչ Ջոսեֆ Մաքմանուսը որպես բողոքի նշան լքել է ԱԷՄԳ-ի ղեկավար խորհրդի նիստը:
Դա տեղի է ունեցել այն բանից հետո, ինչ ԱԷՄԳ-ում Իրանի ներկայացուցիչ Ալի Ասղար Սոլթանիեն հայտարարել է, որ պաղեստինցիների հանդեպ Իսրայելի գործողությունները հանդիսանում են «ցեղասպանություն»:
Մաքմանուսի օրինակին հետևել են նաև Կանադայի ու Ավստրալիայի ներկայացուցիչները: Մաքմանուսը հայտարարել է, որ Իրանի գործողությունները միայն նպաստում են միջազգային հանրության կողմից նրա մեկուսացմանն ու քննադատությանը:
