Վրաստանում կրճատվում է ժամկետային զինվորական ծառայության ժամկետը
Грузия Online-ի փոխանցմամբ՝ Վրաստանում ժամկետային զինվորական ծառայությունը 15 ամսից կրճատվում է մինչև 12-ի: Այս մասին կառավարության նիստի ավարտից հետո հայտարարել է Պաշտպանության նախարարության Իրակլի Ալասանիան:
Վերջինիս խոսքերով՝ կառավարությունը հաստատել է օրենսդրության մեջ առաջարկվող ուղղումները: Ալասանիան պարզաբանել է, որ միջնակարգ կրթություն ստացած երիտասարդ տղաները, որոնք հայտ են ներկայացրել ազգային միասնական քննություններին մասնակցելու համար, զինծառայության մեկնելուց կազատվեն մինչև քննությունների արդյունքների հրապարակումը:
Կառավարության նախաձեռնությունը պետք է հաստատվի խորհրդարանի կողմից:
