Լիցկայից չեն վախենում. մամուլ
«Ժամանակ» օրաթերթը գրում է. «Այսօր «Ժառանգության» ղեկավար Րաֆֆի Հովհաննիսյանը հանդիպումներ է ունենալու Սյունիքի մարզում։ «Ժամանակի» աղբյուրների տեղեկացմամբ, Սյունիքի մարզպետ Սուրեն Խաչատրյանը բավական յուրօրինակ է պատրաստվում նրա այցին։
Մեղրիից մեզ տեղեկացնում են, որ քաղաքապետարանների, մարզպետարանի և պետական կառույցների աշխատակիցներին հրահանգված է այսօր ընտանիքներով տանից դուրս չգալ, չմասնակցել Րաֆֆի Հովհաննիսյանի հավաքին։ Սակայն մեղրեցիներն ասում են, որ իրենք չեն վախենում մարզպետից»։
