Բարսելոնան կարող է ժամանակավորապես հանել տարբերանշանի խաչը` Ռեալի դեմ ընկերական հանդիպման համար
«Բարսելոնան» կարող է ժամանակավորապես փոխել ակումբի տարբերանշանը` Մադրիդի «Ռեալի» հետ Սաուդյան Արաբիայում ընկերական հանդիպում անցկացնելու համար:
«Բարսելոնան» կարող է ժամանակավորապես տարբերանշանից հեռացնել վերևի աջ հատվածում գտնվող կարմիր խաչը: Խաչից կհանվի ուղղահայաց գիծը և կմնա միայն հորիզոնականը:
Խաչը փոխելու պատճառը Սաուդյան Արաբիայի մուսուլման բնակիչների պահանջն է:
Նշենք, որ Սաուդյան Արաբիայում «Բարսելոնային» վերաբերող իրերը վաճառվում են այս փոփոխված տարբերանշանով:
«Ռեալի» և «Բարսայի» միջև ընկերական հանդիպումը կարող է տեղի ունենալ 2016 թվականին, երբ ավարտվի Մեդինայի և Մեքայի միջև երկաթգծի կառուցումը:
Մարզական լրահոսն ապահովում է SportArmenia.com-ը
