Ադրբեջանում զորավարժության ժամանակ տանկ է շրջվել. կա զոհ
Ադրբեջանական APA լրատվական գործակալության փոխանցմամբ՝ Ադրբեջանում անցկացված զորավաժության ժամանակ տեղի է ունեցել դժբախտ պատահար: Միջադեպը գրանցվել է փետրվարի 15-ին, Նախիջևանի զորամասերից մեկում:
Զորավարժության ժամանակ պայմանագրային զինծառայող Մուշֆիգ Ղազանֆարօղլու Բեյլարովի վարած տանկը հայտնվել է փոսում և շրջվել: Բեյլարովը փորձել է դուրս գալ տանկից, սակայն չի կարողացել և, մնալով ծանր տեխնիկայի տակ, մահացել է:
Ադրբեջանի պաշտպանության նախարարության մամլո ծառայության պետի տեղակալ Թեյմուր Աբդուլաևը հաստատել է վթարի հետևանքով զինծառայողի զոհվելու փաստը:
