16-ամյա աղջիկը հերքել է, թե Մվիլայի հետ սեռական կապ է ունեցել
16-ամյա անչափահաս աղջիկը, ով ֆրանսիական ոստիկանության տեղեկություններով զբաղվում է մարմնավաճառությամբ, հերքել է իր կապը Ֆրանսիայի հավաքականի և «Ռուբինի» կիսապաշտպան Յան Մվիլայի հետ:
Գողության մեղադրանքով ոստիկանության կողմից ձերբակալված աղջիկը նշել է, որ ինքը ճանաչում է Մվիլային, սակայն նրա հետ սեռական կապի մեջ չի մտել:
Աղջիկը նշել է, որ իր հեռախոսում ուներ ֆրանսիացի ֆուտբոլիստի տվյալները, քանի որ նրանք ծանոթներ են, սակայն սեռական հարաբերություններ երբեք չեն ունեցել:
Նշենք, որ Մվիլային քրեական պատիժ էր սպառնում, եթե ապացուցվեր, որ նա սեռական կապի մեջ է մտել անչափահաս աղջկա հետ:
Մարզական լրահոսն ապահովում է SportArmenia.com-ը
