Peugeot Citroën-ը ռեկորդային վնաս է կրել
Ֆրանսիական PSA Peugeot Citroën ավտոարտադրողը 2012 թվականը փակել է 5 միլիարդ եվրո վնասով։ Սա վատագույն ցուցանիշն է ընկերության պատմության մեջ։
2011 թվականին ընկերությունն ունեցել էր 588 միլիոն եվրոյի շահույթ։
Չնայած վնասի մեծ չափին՝ Peugeot Citroën-ի ընդհանուր հասույթը կրճատվել է ընդամենը 5%-ով և կազմել 55.4 միլիարդ եվրո։
Ընկերությունն իր բացասական ցուցանիշները պայմանավորում է ֆոնդային բորսաներում իր արժեթղթերի 4.7 միլիարդ եվրո արժեզրկմամբ։ Սակայն փորձագետների կարծիքով, դրա արդյունքում Peugeot Citroën-ի վնասը պետք է չգերազանցեր 580 միլիոն եվրոն։
