Ավստրալիայում մտադիր են վերացնել մանուկների կողմից ծննդյան տորթերի վրա դրված մոմերը փչելու ավանդույթը

Mir24.tv-ի փոխանցմամբ՝ Ավստրալիայում ցանկանում են վերացնել մանուկների կողմից ծննդյան տորթերի վրա դրված մոմերը փչելու ավանդույթը, եթե այդ պահին հարևանությամբ գտնվում են նաև այլ երեխաներ: Ավստրալիայի իշխանությունները մտադիր են դրանով իսկ պայքարել վտանգավոր մանրէների տարածման դեմ:

Տեղի գիտնականները վստահ են, որ թոքերից օդ մղելիս երեխաները միաժամանակ մթնոլորտ են արձակում պոտենցիալ վտանգավոր բազմաթիվ մանրէներ, որոնք կարող են հայտնվել հարևանությամբ գտնվող երեխաների օրգանիզմում: Այս նախաձեռնությունն արդեն իսկ հարուցել է բազում ծնողների կոշտ արձագանքը: