Ամերիկյան բիզնեսի համար գլխավոր վտանգը չինացի ցանցահեններն են. ԱՄՆ հատուկ ծառայություններ
Ամերիկյան The Washington Post թերթը, վկայակոչելով Ազգային հետախուզության խորհրդի պատրաստած փաստաթուղթը, հայտնում է, որ արդյունաբերական կիբեր լրտեսության գլխավոր աղբյուրները հանդիսանում են Չինաստանը, Ռուսաստանը, Ֆրանսիան ու Իսրայելը:
Միևնույն ժամանակ ասվում է, որ ամերիկյան բիզնեսի համար գլխավոր վտանգը վերստին չինացի ցանցահեններն են: Ամերիկյան հատուկ ծառայությունների տվյալներով՝ չինացի ցանցահեններն ամերիկյան համակարգչային համակարգերում տեղեկատվություն են որոնում էներգետիկայի, ֆինանսների, տեղեկատվական տեխնոլոգիաների մասին, ինչպես նաև հետաքրքրվում են ավիատիեզերական ու ավտոմոբիլային ոլորտներով:
Դրա հետ մեկտեղ փաստաթղթղի հեղինակներն ընդգծել են ևս երեք երկիր՝ Ֆրանսիա, Իսրայել ու Ռուսաստան, որոնք կիբեր հարձակումներ են իրականացվել՝ տնտեսական լրտեսության նպատակով: Սակայն այդ երկրների ջանքերն աննշան են՝ համեմատած Չինաստանի ցուցաբերած ակտիվության հետ:
