Գովերլա – Թերեք՝ 3։2. Եդիգարյանը մասնակցեց հանդիպմանը
Ուկրաինայի Պրեմիեր լիգայում հանդես եկող Ուժգորոդի «Գովերլան» հերթական ստուգողական հանդիպումն է անցկացրել Թուրքիայում ընթացող ուսումնամարզական հավաքի շրջանակներում։
Այս անգամ նրա մրցակիցը «Թերեքն» էր, որը Ռուսաստանի առաջնության մրցաշարային աղյուսակում զբաղեցնում է 5-րդ հորիզոնականը։ Ուկրաինական ակումբն այս խաղում հաղթեց 3։2 հաշվով։
Հայաստանի ազգային հավաքականի կիսապաշտպան Արթուր Եդիգարյանը խաղադաշտ դուրս եկավ «Գովերլայի» մեկնարկային կազմում և փոխարինվեց հանդիպման 70-րդ րոպեին։
Մարզական լրահոսն ապահովում է SportArmenia.com-ը
