Վրաստանը պլանավորել է մինչև 2016 թվականն անցում կատարել արհեստավարժ բանակի. Իվանիշվիլի
Civil Georgia-ի փոխանցմամբ՝ Վրաստանի վարչապետ Բիձինա Իվանիշվիլին երեկ այցելել է Պաշտպանության նախարարություն: Լրագրողների հետ զրույցում Իվանիշվիլին հայտարարել է, որ Վրաստանը պլանավորել է մինչև 2016 թվականն անցում կատարել արհեստավարժ բանակի:
Իվանիշվիլիի խոսքերով՝ դա ևս մեկ անգամ կընդգծի, որ երկիրը գնում է դեպի Եվրոպա և մոտենում է ՆԱՏՕ-ի չափորոշիչներին: Նա հավելել է, որ Վրաստանը հպարտ է, որ մասնակցում է Աֆղանստանում ՆԱՏՕ-ի հովանու ներքո անցկացվող օպերացիաներին:
Վրաստանի պաշտպանության նախարար Իրակլի Ալասանիան հունվարին առաջին անգամ հայտարարեց, որ Վրաստանը պետք է վերացնի ներկայումս բանակում գործող զորակոչի համակարգը և հետագա չորս տարիների ընթացքում ացնում կատարի արհեստավարժ բանակի:
