Այսօր կկազմվի Պարույր Հայրիկյանի նկատմամբ մահափորձ կատարածի ֆոտոռոբոտը
Shamshyan.com-ի տեղեկություններով՝ ՀՀ նախագահի թեկնածու Պարույր Հայրիկյանի նկատմամբ կատարված մահափորձի փաստով հարուցված քրեական գործի շրջանակներում իրավապահ մարմիններն առգրավել են Երևան քաղաքի Բաղրամյան պողոտայից մինչև կրակոցի վայրը տեղադրված բոլոր տեսախցիկների տեսագրությունները:
Ըստ տեղեկությունների՝ կան նաև կասկածելի մեկ-երկու ավտոմեքենա, որոնցով հավանաբար հետապնդվել է նախագահի թեկնածուն:
Ազգային անվտանգության ծառայության քննիչներն արդեն լսել են Պ. Հայրիկյանին, և այսօր, հնարավոր է, նախագահի թեկնածուի պատմելով կազմվի ենթադրյալ կասկածյալի ֆոտոռոբոտը:
