Ինչպես Շուշանիկը ծեծեց Նաիրիին
Լոռու մարզի ընդհանուր իրավասության դատարանում քննության է առնվում նախկինում դատվածություն չունեցող Շուշանիկ Ս.-ի և Ծովինար Ս.-ի դեմ հարուցված քրեական գործը:
Այսպես, Շուշանիկ Ս.-ին մեղադրանք է առաջադրվել այն բանի համար, որ նա 2012թ. հուլիսի 4-ին այգին ջրելու պատճառով վիճել է Նաիրի Ա.-ի հետ, քարով և փայտով հարվածել նրան, պատճառելով թեթև վնաս առողջության կարճատև քայքայումով:
Ծովինար Ս.-ին մեղադրանք է առաջադրվել այն բանի համար, որ նա 2012թ. հուլիսի 4-ին վիճաբանել է Շուշանիկ Ս.-ի հետ փայտով և ձեռքերով հարվածել է նրան և պատճառել առողջությանը միջին ծանրության վնաս:
Գործով մեղադրյալներ Շուշանիկի և Ծովինարի նկատմամբ որպես խափանման միջոց ընտրվել է ստորագրություն չհեռանալու մասին:
Մեղադրանքը դատարանում պաշտպանվում է Լոռու մարզի դատախազության կողմից:
Ծանուցում. Հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Աղբյուրը` iravaban.net
