«ՀԱԿ ջան, սիրուն չի…». Արմեն Աշոտյան
ՀՀ կրթության և գիտության նախարար Արմեն Աշոտյանը ֆեյսբուք սոցիալական ցանցի իր էջում պատասխանել է ՀԱԿ-ի կողմից իշխանության հասցեին ուղղված մեղադրանքներին.
«ՀԱԿ ջան, սիրուն չի…
Վերջին շրջանի իրադարձությունների ֆոնին միակ դիսոնանսը ՀԱԿ-ի որոշ գործիչների կողմից հնչեցվող հին և մաշված երգացանկն է:
Վինիլային ձայնասկավառակի վրա գրված, պատեֆոնային ակուստիկայով այս կատարումները իշխանությունների հասցեին մեղադրանքերի ստանդարտ կոմպլեկտ են հիշեցնում:
Հակաիշխանական այս մուղամը գուցե դեռևս ունի իր երկրպագուների շրջանակը, սակայն վաղուց չի կարող քաղաքական զարգացումների հիթ-շքերթում հայտնվել: Այն էլ այս օրերին»,- գրել է Արմեն Աշոտյանը:
