Իրանը զորավարժություններ է սկսել Պարսից ծոցում

Իրանական Fars լրատվական գործակալության փոխանցմամբ՝ Իրանի Իսլամական հեղափոխության պահակազորն այսօր սկսել է Պարսից ծոցում անցկացնել զորավարժություններ: «Ֆաթհ 91» անվանմամբ այդ զորավարժությունները տևելու են երեք օր:

Դրանցում մշակվելու են Իսլամական հեղափոխության պահակազորի գործողություններն անհամաչափ պատերազմում: Պլանավորված է զորավարժությունների ժամանակ օգտագործել ռազմանավեր ու հրթիռներ: Զորավարժություններին մասնակցելու է նաև Իրանի ծովային հետևակի կորպուսը: