Իսրայելական ավիացիան գիշերը հարվածներ է հասցրել սիրիա-լիբանանյան սահմանին
Բրիտանական Reuters լրատվական գործակալության փոխանցմամբ՝ Իսրայելի մարտական ավիացիան անցած գիշեր հարված է հասցրել սիրիա-լիբանանյան սահմանին ընկած մի շարք թիրախների: Այս մասին հայտնել են դիվանագիտական աղբյուրները:
Լիբանանի բանակի հրամանատարությունը հաստատել է, որ գիշերը իսրայելական ավիացիան քանիցս խախտել է երկրի օդային սահմանները: Կիրակի օրն Իսրայելի փոխվարչապետ Սիիլվան Շալոմը հայտարարել էր, որ Իսրայելը կարող է ուժ գործադրել, որպեսզի զանգվածային ոչնչացման միջոցները չընկնեն Սիրիայում գործող զինյալների ձեռքը:
Երկու շաբաթ առաջ էլ Իսրայելը ՄԱԿ ԱԽ-ին կոչ է արել ձեռնարկել անհետաձգելի միջոցներ՝ թույլ չտալու համար լիբանանյան «Հըզբոլլահ» խմբավորման զինյալների ձեռքում Սիրիայի քիմիական զենքի հայտնվելը:
