ԱՄՆ Սենատը հաստատել է «Սենդի» փոթորկից տուժածներին 50 միլիարդ դոլարի հատկացման մասին օրինագիծը
BBC-ի փոխանցմամբ՝ ԱՄՆ Սենատը հավանության է արժանացրել «Սենդի» փոթորկից տուժածներին ավելի քան 50 միլիարդ դոլարի հատկացման մասին օրինագիծը, որն ուղարկվել է նախագահ Բարաք Օբամայի հաստատմանը: Հանրապետական սենատորները հանդես են եկել օրինագծի դեմ՝ մտավախություն ունենալով, որ այդպիսի պատկառելի գումարի հատկացումը կխորացնի բյուջեի դեֆիցիտը:
Արևադարձային ցիկլոնն ԱՄՆ արևելյան ծովափին հարվածել էր 2012 թվականի հոկտեմբերի 30-ին, որը խլել էր ավելի քան 120 մարդու կյանք: Նույն թվականի դեկտեմբերին Օբաման Կոնգրեսի առաջ միջնորդել էր փոթորկից տուժածներին 60 միլիարդ դոլարի տրամադրման մասին, որը պետք է ծառայեր դրա հետևանքների վերացմանը:
Ընդ որում, փոթորկից ամենաշատը տուժած Նյու Յորք, Նյու Ջերսի և Քոնեքթիքութ նահանգները կենտրոնական կառավարությունից խնդրում էին յուրաքանչյուր նահանգին հատկացնել 82 միլիարդ դոլար:
