Վրաստանի պաշտպանության նախարարը եռօրյա այցով մեկնել է Մեծ Բրիտանիա
Новости-Грузия լրատվական գործակալության փոխանցմամբ՝ Վրաստանի պաշտպանության նախարար Իրակլի Ալասանիան այսօր պաշտոնական այցով մեկնել է Մեծ Բրիտանիա: Այս մասին հայտնել է Վրաստանի պաշտպանության նախարարության մամուլի ծառայությունը:
Վերջինիս հաղորդմամբ՝ Ալասանիայի բրիտանական այցը տևելու է երեք օր, որի շրջանակներում նա հանդիպումներ է ունենալու Մեծ Բրիտանիայի օրենսդիր և գործադիր իշխանությունների, այդ թվում նաև Պաշտպանության նախարարության ու զինված ուժերի ներկայացուցիչների հետ:
Հունվարի 29-ին Ալասանիան մասնակցելու է Միջազգային հարաբերությունների թագավորական ինստիտուտում (Chatham House) կազմակերպվելիք կլոր սեղանի քննարկումներին: Ալասանիային բրիտանական այցի ժամանակ ուղեկցում է Վրաստանի զինված ուժերի Միացյալ շտաբի պետի տեղակալ, գնդապետ Վլադիմիր Չաչիբայան:
