Միլանը վերջնականապես հրաժարվեց Կակային գնելու մտքից
«Միլանի» փոխնախագահ Ադրիանո Գալիանին կրկին խոսել է Մադրիդի «Ռեալի» կիսապաշտպան Կակային ձեռք բերելու հավանականության մասին։
«Մենք Կակային գնելու փորձեր այլևս չենք անելու։ Նրա հետ պայմանագիր ստորագրելու ոչ մի հնարավորություն չկա», – Գալիանիի խոսքերն է մեջբերում Tmw-ն։
Հիշեցնենք, որ օրերս Գալիանին հայտարարել էր, որ բրազիլացի ֆուտբոլիստին հնարավոր չէ գնել, քանի որ հարկերի հավելավճարների պատճառով մադրիդյան ակումբը դադարեցրել է բանակցությունները։
Մարզական լրահոսն ապահովում է SportArmenia.com-ը
