Էրդողանի ու Գյուլի դեմ մահափորձերի համար Թուրքիայում կալանավորվել է 7 մարդ
Թուրքական Milliyet թերթի փոխանցմամբ՝ վարչապետ Ռեջեփ Էրդողանի դեմ կատարված մահափորձի գործով ձերբակալվել, ապա նաև կալանավորվել է 7 մարդ: Այս մասին հայտարարել է Թուրքիայի ներքին գործերի նախարար Իդրիս Նաիմ Շահինը: Վերջինիս խոսքերով՝ իրենք կանխել են նաև նախագահ Աբդուլլահ Գյուլի դեմ մահափորձը:
Շահինը հավելել է, որ տարբեր ժամանակներում մահափորձեր են իրականացվել Աբդուլլահ Գյուլի և Ռեջեփ Էրդողանի դեմ, սակայն իրենք ձեռնարկած նախազգուշական միջոցառումների շնորհիվ կանխել են դրանք: Շահինն ընդգծել է, որ դրանով իսկ իրենք արգելք են հանդիսացել երկրում քաոսային իրավիճակի առաջացմանը:
Շահինի խոսքերով՝ Էրդողանի դեմ մահափորձը գրանցվել է 2009 թվականի մարտի 16-ին Թեքիրդաղում տեղի ունեցած հանրահավաքի ժամանակ: Նա հավելել է, որ մյուս մահափորձը տեղի է ունեցել Քյութահիայում՝ Էրդողանի կողմից 2005-2006 ուսումնական տարվա բացման արարողակարգի ժամանակ:
