Թուրքիան կկառուցի աշխարհի ամենամեծ օդանավակայանը
Ստամբուլում կկառուցվի նոր օդանավակայան, որը կլինի աշխարհում ամենամեծը։ Ինչպես գրում է MarketWatch-ը, այդ մասին հայտարարել է Թուրքիայի տրանսպորտի նախարար Բինալի Յիլդիրիմը։
Վերջինիս խոսքերով, նոր օդանավակայանի ուղևորահոսքը կկազմի տարեկան 150 միլիոն մարդ։
Այն տեղակայված է լինելու Ստամբուլի եվրոպական մասում՝ Սև ծովի ափին։ Նոր օդանավակայանի համար հատկացված է 77 միլիոն քմ տարածք։ Մրցույթին հաղթած կառուցապատող ընկերության անունը հայտարարվելու է այսօր՝ հինգշաբթի օրը։ Ավելի վաղ Յիլդիրիմը նշել էր, որ նախագծի արժեքը շուրջ 5.6 միլիարդ դոլար է։
