Էպոսագետը՝ Սաֆարյանին. Հույս ասելով ի՞նչ նկատի ունի՝ նախագա՞հ, վարչապե՞տ, տարբեր կուսակցություննե՞ր
Հայաստանի առաջադիմական միացյալ կոմկուսի նախագահ Վազգեն Սաֆարյանն այսօր 168.am-ի հետ զրույցում ասել էր, թե նախագահի թեկնածու, էպոսագետ Վարդան Սեդրակյանը հույսը դնում է ոչ թե ռեալ, այլ ինչ-որ երկնային ուժերի վրա, որը միստիկայի ոլորտից է: Նաև նշել էր, թե՝ 20 տարուց ավելի լինելով քաղաքականության մեջ, ինքը Վարդան Սեդրակյան քաղաքական գործիչ չի ճանաչում:
«Հիմա, թե ինչի՞ վրա եմ ես հույս դնում, ես գիտեմ: Հույս ասելով ի՞նչ նկատի ունի՝ նախագա՞հ, վարչապե՞տ, տարբեր կուսակցություննե՞ր: Ես հույսս դնում եմ իմ գաղափարախոսության, իմ ելույթի, իմ լավ աշխատանքի վրա»,- 168.am-ի հետ զրույցում՝ հակադարձելով Վազգեն Սաֆարյանին, ասաց նախագահի թեկնածու Վարդան Սեդրակյանը:
