Գոռ Սուջյանը՝ «Եվրատեսիլ 2013»-ո՞ւմ
Համացանցում ակտիվ քննարկումներ են տեղի ունենում այն մասին, որ «Եվրատեսիլ 2013»-ին Հայաստանը ներկայացնելու է «Դորիանս» ռոք խմբի մենակատար Գոռ Սուջյանը: Ոմանք երգչին խորհուրդ են տալիս չմասնակցել այդ մրցույթին. «Ես որ լինեի Գոռ Սուջյանի տեղը՝ «Եվրատեսիլ» չէի գնա»:
Շատերին էլ ուրախացրել է այդ փաստը. «Եթե ճիշտ է այն լուրը, որ դու ես ներկայացնելու այս տարի Հայաստանը «Եվրատեսիլում», ապա շատ ուրախ եմ գերազանց ընտրության համար, Գոռ ջան !!!»,- գրել են երգչի ֆեյսբուքյան էջին: Երգիչը, սակայն, լրագրողների հարցերին ի պատասխան՝ խնդրել է սպասել.
«Ամեն ինչ պարզ կլինի այսօր երեկոյան` ժամը 21:00-ին»: Հանրային հեռուստատեսության «Առաջին լրատվականի» եթերում այսօր ժամը 21:00-ին կհայտարարվի «Եվրատեսիլ 2013»-ի հայաստանյան ներկայացուցչի անունը:
