Վրաստանի առաջին փոխարտգործնախարարը հրաժարական է տվել
Ռուսական Интерфакс լրատվական գործակալության փոխանցմամբ՝ Վրաստանի փոխարտգործնախարար Նիկոլոզ Վաշակիձեն հրաժարական է տվել, քանի որ համաձայն չէ գործող իշխանությունների արտաքին քաղաքական ուղղվածության հետ: Վրաստանի արտգործնախարար Մայա Փանջիկիձեն լրագրողների հետ զրույցում հաստատել է Վաշակիձեի հրաժարականը.
«Վաշակիձեն արհեստավարժ դիվանագետ է: Ես նրան առաջարկեցի մնալ նախարարություններում և աշխատանքը շարունակել որևէ երկրի դեսպանի կարգավիճակով: Սակայն նա հրաժարվեց դրանից, դա նրա իրավունքն է»:
Վրաստանի նախկին կառավարության ժամանակ առաջին փոխարտգործնախարար հանդիսացած Նիկոլոզ Վաշակիձեն երկրում իրականացված իշխանափոխությունից հետո պահպանել էր իր պաշտոնը: Վաշակիձեն գլխավորել է Հարավային Կովկասի անվտանգության հարցերի վերաբերյալ անցկացվող Ժնևյան քննարկումներում վրացական պատվիրակությունը:
