Բջջային հեռախոսների գործով Թբիլիսիի օդանավակայանում ձերբակալվել է ՀՀ քաղաքացի
Новости-Грузия-ի փոխանցմամբ՝ Վրաստանի ֆինանսների նախարարության հետաքննչական ծառայության աշխատակիցները Թբիլիսիի միջազգային օդանավակայանում ձերբակալել են Հայաստանի քաղաքացի Գուրգեն Բեսալյանին: Այս մասին հայտնել է տվյալ գերատեսչության մամուլի ծառայությունը:
Հետաքննությունը պարզել է, որ Բեսալյանը հարկերից խուսափելու նպատակով մաքսային վերահսկողության շրջանցման ճանապարհով Դուբայից իր հետ բերել է չձևակերպված փաստաթղթերով թանկարժեք բջջային հեռախոսներ՝ Iphone 4s, Iphone 5, Samsung galaxy s3: Դրանց ընդհանուր արժեքը կազմում է 19.245 լարի (մոտ 11.500 դոլար):
Հարուցվել է քրեական գործ՝ Վրաստանի քրեական օրենսգրքի 214-րդ հոդվածով, որով նախատեսվում է 3-7 տարվա ազատազրկում:
