Անդրեի և Սիպիլի Ստամբուլյան համերգը կայացել է (լուսանկարներ)
Երեկ Ստամբուլի «Tim Show Center» համերգասարահում կայացել է երգիչ Անդրեի և թուրքաբնակ երգչուհի Սիպիլի համերգը: Օրեր շարունակ երգչուհին իր ֆեյսբուքյան էջի միջոցով հանրությանը ներկայացնում էր համերգային ծրագրի նախապատրաստական աշխատանքների մասին:
Տեղադրված լուսանկարների, տեսանյութների շնորհիվ հանրությունը տեղեկանում էր Ստամբուլում կայանալիք համերգի մասին: Տասնյակ մարդիկ, աշխարհի տարբեր երկրներից մեկնաբանություններ էին թողում երգչուհու ֆեյսբուքյան պատին՝ հաջողություն և համբերություն ցանկանալով: Այսօր ևս երգչուհու ֆեյսբուքյան էջը լի էր մեկնաբանություններով: Օգտատերերն այս անգամ մեկնաբանություններ էին թողնում ոչ թե հաջողություն ցանկանալու նպատակով, այլ շնորհավորելու համար: Հենց երկրպագուներից մի քանիսն էլ Սիպիլի ֆեյսբուքյան պատին ներբեռնել են համերգային ծրագրից լուսանկարներ:
