Բավարիան Գվարդիոլային դարձրեց աշխարհի ամենաբարձր վարձատրվող մարզիչը
«Բավարիայի» նոր գլխավոր մարզիչ Պեպ Գվարդիոլան, ով երկու օր առաջ 3 տարվա պայմանագիր էր ստորագրել մյունխենյան ակումբի հետ, տարեկան կստանա 17 մլն եվրո աշխատավարձ։ Սա աշխարհում մարզիչներին վճարվող ամենաբարձր աշխատավարձն է։ Ընդ որում, այս աշխատավարձն ավելի բարձր է, քան Լիոնել Մեսսիինը, ով վերջերս ստացավ 4-րդ «Ոսկե գնդակը» (Մեսսիի աշխատավարձը կազմում է 16 մլն եվրո)։ Այս մասին հաղորդում է Sport.es-ը։
Այս ցուցանիշով Գվարդիոլան շրջանցել է Ժոզե Մոուրինյոյին (Ռեալ)՝ 15.3 մլն և Կարլո Անչելոտիին (ՊՍԺ)՝ 13.5 մլն։ «Բարսելոնայում» Գվարդիոլան ստանում էր 10 մլն եվրո։
Մարզական լրահոսն ապահովում է SportArmenia.com-ը
