Ինչո՞ւ է Հովիկ Աբրահամյանը հեռացել ՀՀԿ գրասենյակից
Քիչ առաջ ԱԺ նախագահի մամլո խոսնակ Գոհար Պողոսյանը ԳԱԼԱ-ին փոխանցել է, որ Հովիկ Աբրահամյանը լքել է ՀՀԿ նիստերի դահլիճը, քանի որ պետք է մասնակցեր ԵԽ ԽՎ դիտորդական առաքելության պատվիրակության անդամների հետ պաշտոնական ընթրիքին:
Հիշեցնենք, որ ԳԱԼԱ-ն տեղեկություն էր տարածել, թե Հովիկ Աբրահամյանն այսօրվա ՀՀԿ գործադիր մարմնի նիստի ընթացքում լքել էր ՀՀԿ գրասենյակը: Նա, ըստ կայքի՝ «բավականին անտրամադիր է եղել, թե ինչ պատճառներով է նախընտրական շտաբի պետը լքել շենքը, հայտնի չէ»:
Ի դեպ, ՀՀԿ գործադիր մարմնի նիստը դեռևս շարունակվում է:
