Իվանիշվիլին Հայաստան կգա վաղը
Վրաստանի վարչապետ Բիձինա Իվանիշվիլիի գլխավորած պատվիրակությունը հունվարի 17-ին կժամանի Հայաստան: Այս մասին տեղեկացնում է ՀՀ կառավարության պաշտոնական կայքը։
Երևանում նախատեսված են Վրաստանի վարչապետի հանդիպումները ՀՀ նախագահ Սերժ Սարգսյանի, ՀՀ վարչապետ Տիգրան Սարգսյանի, Ն.Ս.Օ.Տ.Տ. Գարեգին Բ Ամենայն Հայոց կաթողիկոսի, ինչպես նաև ՀՀ արտաքին գործերի, Էներգետիկայի և բնական պաշարների և Էկոնոմիկայի նախարարների հետ:
Բիձինա Իվանիշվիլին կայցելի Ծիծեռնակաբերդ՝ հարգանքի տուրք մատուցելու Հայոց ցեղասպանության զոհերի հիշատակին, կլինի նաև Մատենադարանում:
ՀՀ կառավարությունում հավատարմագրված լրագրողները հունվարի 17-ին ժամը 11:30-ին հրավիրվում են լուսաբանելու ՀՀ կառավարության մամուլի կենտրոնում կայանալիք Հայաստանի և Վրաստանի վարչապետերի համատեղ մամլո ասուլիսը
