Ինչպես է Երևանի քաղաքապետարանը վնասում քաղաքացիների ավտոմեքենաները (տեսանյութ)
Այսօր Երևանի Կենտրոն վարչական շրջանի աշխատակիցները ՀՀ արտակարգ իրավիճակների նախարարության աջակցությամբ քաղաքի կենտրոնական փողոցներում կատարում էին շենքերի տանիքներին առաջացած սառույցների հեռացման աշխատանքներ: Այդ աշխատանքներն իրականացնելիս, սակայն, վերջիններս հաշվի չէին առնում, որ մայթեզրերին կայանած են ավտոմեքենաներ, ու ընկնող սառույցները կարող են վնասել դրանք: 168.am-ի հետ զրույցում ավտոմեքենաների մի քանի վարորդներ պատմեցին, որ հազիվ են կարողացել իրենց մեքենաները դուրս բերել մայթեզրերից` փրկելով վայր ընկնող սառույցներից:
