Facebook-ում Ցուկերբերգին նամակ ուղարկելու համար պետք է վճարել
Facebook-ն օգտատերերին առաջարկում է 100 դոլար վճարել՝ հաղորդագրությունները սոցիալական ցանցի հիմնադրին հասցնելու համար։ Այս մասին հաղորդում է Mashable հրատարակչությունը։
Mashable-ը նշում է, որ վճարելու հնարավորություն հայտնվում է մի շարք օգտատերերի մոտ, որոնք Ցուկերբերգի 16 միլիոն բաժանորդների թվին չեն պատկանում։ Ենթադրվում է, որ վճարումը ըատարելուց հետո հաղորդագրությունը հայտնվում է Ցուկերբերգի «Մուտքեր» փոստարկղում (Inbox), հակառակ պարագայում հաղորդագրությունը տեղ է գտնում «Այլ» նամակների կողքին։
Այն մասին, որ անձնական կարգավորումները շրջանցելու և Inbox-ին հաղորդագրություն ուղարկելու վճարովի հնարավորություն կա, սոցիալական ցանցի ղեկավարությունը հայտարարել էր դեռևս նախորդ տարվա դեկտեմբերին։ Միևնույն ժամանակ, Facebook-ը իրեն իրավունք էր վերապահել փոփոխության ենթարկել «սակագները»։
