Թուրքիան թողարկել է աշխարհի առաջին լողացող զրահապատ բուլդոզերը
Թուրքական Anadolu լրատվական գործակալության փոխանցմամբ՝ Թուրքիան թողարկել է աշխարհի առաջին զրահապատ բուլդոզերը, որն ունակ է լողալ: AZMİM անվանոմը ստացած այդ բուլդոզերի ստեղծման նախագիծը մշակվել է չորս տարվա ընթացքում:
Թուրքիայի զինված ուժերը պլանավորել են այդ բուլդոզերը գործածել գետանցումների ժամանակ: Սկզբնական փուլում պլանավորված է արտադրել 12 հատ AZMİM: Բուլդոզերը կարող է զարգացնել մինչև 45 կիլոմետր/ժամ արագություն և ունակ է դիմակայել ցամաքային ականներին ու զրահածակող փամփուշտներին:
Նշվում է, որ ներկայումս Թուրքիայի զինված ուժերի ռազմատեխնիկական կարիքների 56 տոկոսն ապահովվում է տեղական արտադրության սպառազինության հաշվին:
